冬波 的个人资料Life Show照片日志列表更多  |  工具 帮助 |
Life Show我叫大大...裤头越黎越大... |
|||||||||||
|
|
11月17日 办证...通行证过期鸟...早知自己去自助服务机搞...甘依次就唔使比多百几蚊...55555...所以话...懒系办唔到大事... 今朝8点就出门口...去到办证果度...多人到呕...拿号..."你前面还有123位"....呕晒血...以为依家市道低迷环境差...实无乜人去啦...点知依然系甘Q多人...转头就去买左个包同猪奶...坐系度慢慢等...其间又出现排队成日见到嘅嘈交...差D打得成嫁啦... 排左1个钟...终于轮到我啦...一次OK...不过中途要去复印翻某D野...谂住交埋钱就走得啦...点知...交钱又要另外排过队....又排左我半粒钟...前前后后一共搞左成两粒钟先走得.... 搞完依次...依几年之内都唔使黎依个鬼地方排队啦...办个证..使左百几个大饼...依个月又无左几只BB战士LU...呵呵.... 9月10日 工作随想 我自己唔会将工作带翻屋企...亦都唔会将工作嘅情绪带翻屋企...更加唔会将工作嘅唔开心写系网志度...
不过...今晚嘅依个时候...上面讲嘅三样野我全部做齐晒...
一个做销售嘅人...一定会接触到社会唔同阶层唔同素质及唔同素养嘅人...做左甘多年我自己好明白...曾几何时遇到D打横黎行嘅...亦遇过D超级热情嘅...更遇过D烦到抽筋嘅...不过依个就系工作...亦都系人生...
今晚上来写工作原因系一个钟头前嘅两个电话...都系同一个人打黎嘅...系我甘多居民用户入面...佢应该系我见过面嘅...我觉得系比较烦嘅一个...事缘我公司扣费系统遭不是人士恶意delete(悬赏金额:1,000,000,000...同"蒙奇.D.路飞"一样甘多!!!)令到一部份用户出现重复扣账(即系比多左钱...)...个女人系受害者之一...重重扣费600几定800几...具体金额唔记得啦...要翻去check过先知...上星期3.本人夜晚亲自到府上作解释工作及商讨有关退款事宜...一开始本人仲系比较有礼貌的...毕竟责任完全在本公司...用户跟本无需负责任...当本人正想耐心地讲解嘅时候...个女人就无啦啦甘打断我嘅讲解...一直就围绕扣费单讲我地扣多佢钱...由于佢老公当时都在场...用一D我听唔明嘅语言(即系捞话...)话左佢老婆几句之后个女人就无出声啦...因为甘样.我转向同个男人解释...个男人亦都接受我解释...我承诺尽快办好手续退回款项...今晚十点多...个女人打电话黎...甘夜有电话本身我就唔耐烦...而且仲要系管道气问题上面...斋系电话讲系无用嘅...一定要睇住部电脑先知咩事...开头个女人报左房号我都唔知系边户...到后黎话退钱我就谂翻起啦....个女人一开始就话我讲大话...跟住话我办事效率低...仲要我快D送钱去佢屋企...唉...D人系唔系有问题呢...退钱都要有手续嫁...你估街市买菜咩...去退社保都要一个星期啦...跟住我同佢讲.叫佢唔好甘夜打电话黎..有乜可以早上上班讲..因为可以查亦都容易讲...个女人唔知做乜发难炸...话中秋节后比唔到钱比佢就11点打电话黎..跟住就收左线...唉...都未见过D甘嘅人...甘野....过左15分钟左右...又打电话黎...态度非常恶劣...又系讲相同嘅野...此时我听到佢老公把声系另外一面传过黎...突然间有种好想报警嘅感觉...觉得依D完全系骚扰...同对方讲..再系甘样我就只能报警.投诉你恐吓我...个女人竟然仲越黎越恶话叫我去告.去投诉...之后又系佢自己收线...
一大段野讲左个前因后果...可能有D人唔会睇...或者见甘多都唔想睇...其实睇唔睇都无乜所谓嘅...我预想佢听日一早会去公司投诉我...我亦都唔会有乜担心...毕竟该做嘅我都做左啦...佢真系黎嘅话...最多就系提前退钱比佢...不过我谂都无乜可能啦...我话唔退佢都奈我唔何...自问我系一个人地对我好.我起码两倍还翻比人...人地对我唔好...我一定会3倍以上还翻比佢...讲真...发生依D事边个都唔想...包括我自己...我自己都搞到一身蚁...因为要一家家甘去查...一家家甘去对...真系扣多左仲要比人话...仲要同人讲对唔住...我自己亦都重复又重复甘对各个客户解释过好多次...但系唔知点解一D人会欣然接受...而极个别又会甘呢...依个就系社会...呵呵...唔接受都要接受....
讲完一大堆野...个心舒服左好多...今晚亦都可以训个好觉...呵呵...今晚食得好饱...嘻嘻...多谢猪细嘅哈根达斯....  8月28日 豬細嘅生日大餐!!! 今日係我豬細生日嘅大日子
 我肯定要比我豬細過得開開啦!!!不過見到豬細果陣...佢仲要去PG開會...我自己就要系M記玩WI-FI... 過左無幾耐...豬細終於出現了...由於豬細爸不吃辣的...經過一輪選擇...最後變左我地兩個二人世界(
 ...實在太開心啦!!!)...我地嘅計劃亦都有所改變...由原來的辣田雞變左食酸菜魚 ... 兩個人去左區庄嘅渝城味都...呵呵...叫左5樣野...分別系:
水煮牛肉
酸湯肥牛
酸菜魚
仲叫左個青菜同埋炒飯...呵呵...兩個都飽到嘔甘滯啊...我諗不久將來...我將放棄蜀福來...投奔過黎依度啦... 之後我地又去左中華廣場...為嘅就系美心嘅芝士 8月24日 打台風其實系好開心嘅... "鸚鵡"...一個正面吹襲廣東沿岸嘅10級台風...佢嘅到嚟令到炎熱嘅廣州一下子變得清涼...當然夾雜住我最討厭嘅雨水啦...亦都令依個周末嘅活動蒙上一層陰影...
一早起身...豬細就話下午已經比小魚魚mark咗我地嘅booking...一嚟同我地一齊去行下越富...二嚟佢同埋大蕉請豬細食飯(因為豬細就嚟生日啦)...出奇嘅系...一個下午竟然一滴雨都無落到...而我系越富又見到我好多自己想買嘅嘢..當然..每次我都系得個睇字啦..哈哈...夜晚我地決定去食冷鍋魚(因為豬細好鍾意食)...豬細為左食依餐飯居然破戒...可想然之..D魚系幾甘好味呢...不過倒頭黎就反映左小魚魚系幾甘冷血(吃自己嘅同類...仲要兩種煮法...真曲街)....飲飽食醉之後...4個懷住3-4個月嘅年青人又向哈根達斯進發了...
講起哈根達斯...我諗我以世都會記得我豬細同我講過嘅一句嘢...依句嘢系係佢吃完哈根達斯之後同我講嘅"早之食味然香好過啦!!!"真系比佢激死......未到哈根之前...我地就已經系度講緊小魚魚要冷靜D...點知入到去...小魚魚仲系何其不冷靜...仲要做出一D反常嘅行為...連waiter哥哥都話佢夠特別...今次無小魚魚好想吃嘅雪糕火鍋...果度個姐姐話要冬天先有..."雪糕火鍋"都要冬天...使唔使啊....最後好似要左個咩甜蜜蜜唔知咩野...工具好多..仲噴晒乾冰好架勢....雪糕就唔使多講...食過都知咩味...我覺得最特別就系個糕點...特別在系佢好酸...酸到我要即刻飲水(比大肚婆食就差唔多)....其次就系個醬...我覺得無論放咩落去點黎吃...吃落去都系得個醬嘅味...仲有一D水果同埋曲奇餅...其實就系食個開心啦...呵呵...4條友由未入去笑到出黎坐車...都值得嘅...
今日奧運閉幕啦...中國由頭帶到落尾...威到盡...希望下届2012有更好嘅成绩...
PS:由于近排换左部手机...入面全部系繁体...所以连日志都系繁体字..哈哈...
7月2日 是但嗡!!!好耐都无上过嚟写野啦...转眼就已经两个月LU...唔经唔觉...08年话甘快就过左半年啦...人生认真无常啊!!! 依排可能天气比较热...人比较燥...好多野做起上黎都好有火气...依个火气当然唔系好嘢黎啦...唉...谂住有几个月加班费赚下嫁啦...到头黎又话承包比人...唉...仲谂住去HK买嘢靠晒D加班费嫁吗...离晒谱嘅...依家唯有靠自己死悭死抵啦...唉...寻日系公司同老大同埋温泉三条友无聊过头系度玩自拍...不过我无问到温泉罗相...呵呵.... 今日早上去左麦记换熊仔...一次过换晒成套...然后将佢打包就快递左比猪细啦...佢开心就得啦...夜晚佢又买左零食同埋两件衫比我...我都好开心...不过最后因为一件好小嘅事...搞到我由开心变左唔开心...不过算啦...都过左去啦... 过两日我会将依排收集翻黎嘅麦记玩具一次过SHOW晒上黎...到时有心人上黎睇嘅话就要留意啦...呵呵... |
|
|||||||||
发送私人消息
订阅 RSS 源
告诉朋友
添加到 Live.com
添加至您的网络
订阅提醒
...生日喔...梗系要食翻個
|
|
